Mediat turke vazhdojnë të publikojnë pamje të tmerrshme, ku shihen banesa të rrafshuara dhe qytetarë që kërkojnë për viktima nën rrënoja.

Lëkundjet sizmike kanë qenë shumë të fuqishme, pasi në Izmir janë rrëzuar disa godina shumëkatëshe dhe dëmet janë të pallogaritshme. Ndërkohë mësohet se lëkundjet janë ndjerë dhe në shumë qytete turke si në Bursa, Stamboll, Izmir, Denizli dhe Çanakkale.

Nga informacionet e para zyrtare, konfirmohen deri më tani 6 viktima dhe 202 të plagosur.

Dhjetëra objekte atje janë shembur, ndërsa deri më tani është nxjerrë e gjallë nga rrënojat një grua. Të shumtë raportohet të jenë personat që kanë mbetur poshtë pallateve të shembura.

Agjencia e kërkim-shpëtimit i bën thirrje qytetarëve të mos futen nëpër banesat e tyre, ndërsa vijojnë kërkimet nën rrënoja.