Detaje të reja kanë dalë nga sulmi i konsideruar terrorist në Francë. Personi që i preu kokën një mësuesi në një rrugë në Paris, priti jashtë shkollës dhe u kërkoi nxënësve të identifikonin shënjestrën e tij, thonë zyrtarë të anti-terrorizmit.
Burri më pas postoi imazhe në mediat sociale të viktimës së vdekur Samuel Paty, 47 vjeç, i cili u kishte treguar studentëve karikaturat e diskutueshme të Profetit Muhamed, shkruajnë mediat ndërkombëtare.
![](https://opennews.al/wp-content/uploads/2020/10/000_8TA66E-1024x576.jpg)
![](https://opennews.al/wp-content/uploads/2020/10/A-Conflans-Saint-Honorine-emotion-et-roses-blanches-en-hommage-a-Samuel-Paty.jpg)
![](https://opennews.al/wp-content/uploads/2020/10/image.jpg)
Agresori më vonë qëlloi në drejtim të policisë me një pistoletë para se të vritej. Numri i të arrestuarve për rastin shkoi në 10 të shtunën, kurse policia heton lidhjet e mundshme të të prangosurve me ekstremizmin islamik.
Sulmi u zhvillua rreth orës 17:00 (15:00 GMT) të premten pranë Kolegjit du Bois d’Aulne, ku Paty dha mësim, në qytetin Conflans-Sainte-Honorine, rreth 30 km (20 milje) në veri-perëndim të Parisit qendror.
Presidenti Emmanuel Macron tha se sulmi mbartte të gjitha shenjat dalluese të një “sulmi terrorist islamik” dhe mësuesi ishte vrarë sepse ai “mësoi lirinë e shprehjes”. Një homazh kombëtar do t’i kushtohet Patyt të mërkurën.
![](https://opennews.al/wp-content/uploads/2020/10/samuel_paty_macron-1024x683.jpg)