Policia ka zbardhur detaje të operacionit për ku u kapën rreth 4 kilogram lëndë narkotike të llojit heroinë në Elbasan.
Mësohet se operacioni u krye në rrugën Elbasan-Metalurgji dhe droga u kap në një kamion që transportonte lëndë narkotike.
Kamioni drejtohej nga një 46-vjeçar, i cili u arrestua nga policia bashkë me katër persona të tjerë.
Emrat të arrestuarve janë: Hazis Musai, Xhulio Musai, Danjel Xheliaj, Gëzim Balla dhe Endri Karaj.
Droga ishte e ndarë në 8 pako, ndërsa krahas heroinës u kap edhe një sasi kanabis sativa.
NJOFTIMI I PLOTE
Vijojnë operacionet e njëpasnjëshme për goditjen e veprimtarisë kriminale në fushën e trafikimit të drogave të forta.
Finalizohet me sukses operacioni policor i koduar “Kështjella”.
Sekuestrohen 4 kilogramë e 215 gramë lëndë narkotike e dyshuar heroinë dhe një sasi kanabis.
Vihen në pranga disa shtetas që ushtronin këtë veprimtari kriminale.
Në vijim të punës për goditjen e veprimtarisë kriminale të trafikimit të drogave të forta, pas një hetimi njëmujor me metoda proaktive, specialistët për Hetimin e Narkotikëve dhe Trafiqeve të Paligjshme në DVP Elbasan, nën drejtimin e Prokurorisë së Rrethit Gjyqësor Elbasan dhe në bashkëpunim me Forcën Operacionale në DVP Elbasan, zhvilluan dhe finalizuan operacionin policor të koduar “Kështjella”.
Si rezultat i këtij operacioni, në aksin rrugor Elbasan-Metalurgji, në një furgon që transportonte lëndë drusore, që drejtohej nga shtetasi G. B., 46 vjeç, banues në Elbasan, i cili është arrestuar në flagrancë, Policia gjeti dhe sekuestroi 8 pako me lëndë narkotike të dyshuar heroinë me peshë totale 4 kilogramë e 215 gramë heroinë dhe një sasi kanabisi.
Gjithashtu, në kuadër të operacionit janë arrestuar edhe disa persona të tjerë që dyshohet se kanë lidhje me këtë veprimtari kriminale.
