Trajneri Dritan Resuli ka shfaqur simptoma të koronavirusit dhe pasi ka bërë tamponin një ditë më parë, sot ka ardhur përgjigjia.

Ai ka rezultuar pozitiv me “COVID-19” dhe menjëherë është karantinuar.
Në këtë situatë klubi ka marrë menjëherë masa urgjente, teksa autoritetet shëndetësore në Vlorë kanë bërë sot tamponë për të gjithë lojtarët e ekipit të Flamurtarit, pjestarët e stafit dhe drejtuesit e klubit.

Përgjigjet e testeve do të mësohen nesër para ndeshjes me Tomorin dhe nëse ka një numër të lartë të prekurish sa u përket futbollistëve, rrezikohet zhvillimi i takimit.