Një protestuese ka zgjedhur të ironizojë kryeministrin Edi Rama gjatë protestës së 119-të, duke marrë me vete në podium edhe një pulë.

Gjesti lidhej me deklaratën e Ramës pas gjuajtjes me vezë ndaj tij në New York, ku kryeministri u shpreh se nuk ka frikë nga pulat.

Protestuesja i bëri thirrje Ramës që të dalë në shesh, duke e ironizuar me praninë e pulës.

“Hajde merru me pula se me burra nuk merresh”, tha ajo.

Më tej, protestuesja deklaroi:

“Edi Rama ka frikë pulat në Shqipëri. Edi Rama ka me veshur fustanin si e ka veshur Gramoz Ruçi dikur. Policia, ja ku e keni kriminelin. Se nuk mundeni me arrestu Belinda Ballukun, Edi Ramën. Me pula merruni.”

Deklaratat u bënë gjatë protestës së 119-të, ndërsa protesta vijon me kritika ndaj qeverisë dhe kryeministrit Rama.