Ambasada Amerikane ka bërë një njoftim të rëndësishëm në lidhje me procedurat për aplikimin për lotarinë amerikane DV-2022.
Përmes një postimi në faqen zyrtare të ‘Facebook’-ut, ambasada këshillon që në aplikim të përfshini edhe emrin e bashkëshortit si dhe të fëmijëve nën moshën 21-vjeçare. Kjo gjë vlen dhe në rastin kur familjarët nuk do të udhëtojnë me ata që shpallen fitues.
“Nëse po aplikoni për Lotarinë Amerikane 2022, ju duhet përfshini bashkëshortin/en dhe të gjithë fëmijët e pamartuar nën moshën 21 vjeç, edhe nëse ata nuk do të udhëtojnë me ju. Shihni udhëzimet e plota këtu: https://travel.state.gov/content/travel/en/us-visas/immigrate/diversity-visa-program-entry/diversity-visa-submit-entry1.html thuhet në njoftimin e ambasadës. Regjistrimet për programin e Lotarisë Amerikane DV-2022 do të jenë të hapura nga data 7 tetor 2020 https://dvprogram.state.gov/ deri më 10 nëntor.
