Ka shumë studime që e lidhin përdorimin e lulelakrës me parandalimin e kancerit, sidomos kancerin e fshikëzës së urinës, kancerin e gjoksit, atë të kolonës, kancerin e prostatës dhe të mitrës.
Lulelakra është shumë e mirë edhe për sistemin e detoksit, si antioksidant, si dhe lufton inflamacionin dhe rrit sistemin imunitar. Lulelakra është një mbështetëse shumë e mirë edhe e sistemit kardiovaskular dhe përmirëson shëndetin e enëve të gjakut dhe qarkullimin e gjakut në to.
Vetitë e saj anti-inflamatore dhe mbështetja ndaj sistemit kardiovaskular lidhen me përmbajtjen e vitaminës K dhe acideve omega-3. Ndësa përmbajtja e lartë në fibra e lulelakrës bën mirë për sistemin e tretjes.

Ju folëm  për vlerat ushqyese të lulelakrës, por ideja për ta gatuar në furrë me djathë Parmigiano na u duk shumë interesante dhe zgjodhëm ta ndajmë ju.

PËRBËRËSIT: 1 lulelakër, 50 g gjalpë, 50 g miell, 500 ml qumësht, 50 g Parmigiano, 100 g gouda, arrëmyshk dhe kripë.

PËRGATITJA: Ndajmë lulelakrën në boçe dhe e ziejmë 2-3 minuta. Në tigan skuqim gjalpin me miellin, e shuajmë me qumësht, shtojmë kripë dhe arrë myshkun, e ziejmë derisa të bëhet krem. Shtrojmë pak krem në tavë, shtojmë lulelakrën dhe djathin e prerë. Shtojmë pjesën tjetër të kremit ,pak arrë myshk dhe djathin parmiagiano. E vendosim në furrë të parangrohur dhe e pjekim me 200 gradë për 20 minuta.