Natën që sapo lamë pas reshjet e shiut përfshinë të gjithë vendin me sasinë më të lartë të regjistruar 111mm në Vlorë, 80mm në Sarandë, 66mm në Korcë.

Në kryeqytet sasia e reshjeve 55mm dhe në pjesën tjetër të vendit nën këtë sasi.

Që prej orëve të mesditës reshjet do të humbin intensitet e territor duke u bërë më lokale. Njëkohësisht do të shfaqen intervalet e kthjellimeve.

Ditën e mërkurë moti parashikohet me alternime vranësirash dhe kthjellimesh. Prej orëve të para të 24-orëshit reshje shiu të herëpashershme me intensitet të ulët në veri.

Në bregdetin perëndimor me intensitet mesatar dhe shtrëngata lokale. Era do të fryjë nga kuadrati i jugut e lehtë e mesatare në bregdet. Valëzimi në dete i forcës 3 ballë.

Temperaturat parashikohen në:

zonat malore 7°C deri në 17°C

zonat e ulëta 12°C deri në 23°C

zonat bregdetare 13°C deri në 22°C

Ju urojmë të kaloni një ditë të mbarë!